Greqia ka arritur të fitojë ndaj Izraelit me rezultat të ngushtë 84-79 duelin e 1/8 së finales ndaj Izraelit, për t’u kualifikuar në çerekfinale të EuroBasketit.

Kështu grekët bëhen kombëtarja e tetë dhe e fundit që arrin në çerekfinale në këtë Evropian, që prodhoi shumë surpriza, shkruan Arbresh.info.

Të udhëhequr nga ylli i Milwaukee Bucks, Giannis Antetokounmpo, Greqia arriti ta mbajë epërsinë e krijuar në pjesën e parë prej tetë pikësh. Etapa e parë u mbyll 50-42 në të mirë të grekëve.

Izraeli bëri lojë më të mirë në pjesën e dytë por nuk ia arriti dot të rikthehet plotësisht.

Më i dalluari në këtë takim ishte Antetokounmpo me 37 pikë, 10 kërcime e një asistim, i ndihmuar nga Slukas me 11 sosh.

Kurse për izraelitët më i dalluari ishte Deni Avdija me 23 pikë.

Greqia në çerekfinale përballet Lituaninë, e cila ka mposhtur Letoninë në 1/8 e finales./Arbresh.info